Atyniadau

HistoryPoints QR codes (Cyfieithiad yma'n fuan)

Look out for HistoryPoints QR codes at scores of places in the Llanberis area. Scan the codes with your mobile to read a brief history of each featured building, ruin, memorial, structure or site. You'll find sequences of the QR codes along popular paths, including the traffic-free route alongside Llyn Padarn and the main paths at the old Dinorwig slate quarry.
All of the information is also available on the historypoints.org website. For example, click here to discover the story of a legendary strongwoman who rowed copper ore across both lakes, wrestled, hunted, shod horses and played the harp.

Website

Castell Dolbadarn
Mae Castell Dolbadarn yn amddiffynfa a adeiladwyd gan y Tywysog o Gymro, Llywelyn ap Iorwerth, Llywelyn Fawr, ddechrau’r 13eg ganrif. Roedd y castell yn bwysig yn filwrol, a hefyd fel symbol o rym ac awdurdod Llywelyn. Wedi’i leoli wrth fynedfa Pas Llanberis, roedd yn gwarchod hen bentref Llanberis, lle mae Nant Peris heddiw. Mae’r castell yn cynnwys gorthwr mawr o garreg, 15.2m o uchder sy’n cael ei ystyried fel yr enghraifft orau o dŵr crwn Cymreig sydd wedi goroesi. Ym 1284, cafodd Castell Dolbadarn ei feddiannu gan Frenin Edward 1 ac fe adeiladodd gastell newydd yng Nghaernarfon. Defnyddiwyd y castell fel plas am rai blynyddoedd cyn adfeilio. Yn y 18fed a’r 19eg ganrif, roedd yn lleoliad poblogaidd ymhlith arlunwyr, a chaiff darlun Turner ei ystyried i fod yn eiconig. Mae bellach yn perthyn i CADW, gwasanaeth amgylchedd hanesyddol Llywodraeth Cymru.
Mynediad yn rhad ac am ddim

Amgueddfa Lechi Cymru Llanberis

Lleolir Amgueddfa Lechi Cymru yng ngweithdai Peiriannyddol Fictoraidd a fu unwaith yn gwasanaethu a chynnal chwarel lechi enfawr Dinorwig uwch ei phen. Roedd y gweithdai'n darparu ar gyfer yr holl waith atgyweirio a chynnal a chadw oedd ei angen gan y chwarel, a oedd unwaith yn cyflogi ymhell dros 3,000 o ddynion.

O’r 4ydd Tachwedd 2024 bydd Amgueddfa Lechi Cymru yn cau er mwyn cychwyn ar broject ailddatblygu fydd yn rhoi bywyd newydd i’r amgueddfa boblogaidd. Bydd yn gwarchod yr adeiladau hanesyddol gwych a chasgliadau pwysig sydd yno fel bod cenedlaethau’r dyfodol yn gallu profi a mwynhau hanes anhygoel llechi.

Mae llawer i’w wneud, felly mae angen cau’r Amgueddfa dros dro er mwyn gwneud yr holl waith cadwraeth ac adnewyddu yn ddiogel ac i ddiweddaru’r arddangosfeydd a’r arddangosiadau.

Ond fydd pethau ddim yn segur yn ystod y cyfnod cau! Yn 2025 bydd yr Amgueddfa yn mynd ar daith, yn gweithio gyda partneriaid, ac yn ymddangos dros dro mewn llefydd cyfagos, o atyniadau lleol i ddigwyddiadau cymunedol.

Bydd yr Amgueddfa yn ailagor yn 2026.

Dilynwch yr ailddatblygiad yma: https://amgueddfa.cymru/llechi/ailddatblygu ac ar ein sianeli cyfryngau cymdeithasol:

• FACEBOOK: Amgueddfa Lechi Cymru - National Slate Museum

• X: @amgueddfalechi

• INSTAGRAM: @nationalslatemuseum

llechi@amgueddfacymru.ac.uk / www.amgueddfa.cymru/llechi

Ariennir prosiect ailddatblygu Amgueddfa Lechi Cymru gyda nawdd Cronfa Treftadaeth y Loteri Genedlaethol, Llywodraeth y DU trwy Gyngor Gwynedd fel rhan o brosiect Llewyrch o’r Llechi, Llywodraeth Cymru a a chyllidwyr eraill.

Parc Gwledig Padarn

Mae Parc Gwledig Padarn yn ymestyn dros 800 o erwau ar lan Llyn Padarn. Mae Coed Dinorwig, Safle o Ddiddordeb Gwyddonol Arbennig, yn cynnwys o fewn ei ffiniau hen goed derw digoes, coed bedw, coed cerdin, celyn a choed cyll prin. Mae clychau’r gog yn y gwanwyn, a llawer o blanhigion sy’n gorchuddio’r ddaear, rhedyn, cennau a mwsoglau, yn cynnig cartrefi a chynefinoedd i fywyd gwyllt ac adar gan gynnwys cnocell y coed a gwybedion ymhlith y rhai mwyaf prin. Gellir gweld ystlumod pedol lleiaf, pipistrelle cyffredin a daubenton yn Chwarel Vivian ac uwchben Llyn Padarn.
Llyn Padarn, sydd hefyd yn Safle o Ddiddordeb Gwyddonol Arbennig, yw’r llyn dyfnaf ond pump yng Nghymru. Mae’r dŵr o safon nofio ac mae’n gartref i bysgod alpaidd prin, torgoch yr Arctig. Mae dyfrgwn ac adar dŵr i’w gweld yn aml ar y llyn ac mae’r llif allan, Afon Rhythallt, yn safle silio hanfodol ar gyfer eog a brithyll môr.
Mae Chwarel Vivian, sef hen chwarel lechi, bellach dan ddŵr ac yn cael ei defnyddio gan Canolfan Ddeifio Vivian.

Cyfeiriad: Llyn Padarn, Llanberis, LL55 4TY
Gwefan: www.gwynedd.llyw.cymru/cy/Trigolion/Hamdden-Parciau-Digwyddiadau/Parciau-a-mannau-gwyrdd/Parc-Gwledig-Padarn.aspx
Ebost: parcgwledigpadarn@gwynedd.llyw.cymru
Ffôn: 01286 870892

Rheilffordd Llyn Llanberis

*Taith fyrrach dros dro i deithwyr 7 Medi 2025 - 1 Tachwedd 2026

Oherwydd prosiect hanfodol ailosod cebl tanddaerol Grid Cendlaethol sydd wedi bod yn mynd ymlaen ym mhentref Llanberis a'r cyffiniau ers dechrau 2021, bydd Rheilffordd Llyn Padarn yn trosglwyddo darn sylweddol o'r rheilffordd i Grid Cenedlaethol fel y gallant ailosod y ceblau sy'n rhedeg o dan trac y rheilffordd. Bydd hyn yn golygu o 7 Medi 2025 - 1 Tachwedd 2026, y bydd y rheilffordd yn gweithredu gwasanaeth trên teithwyr byrrach o'r brif orsaf ar Banc Gwledig Padarn i'n gorsaf yn Llanberis ac i'r gwrthwyneb, taith o oddeutu 1/2 milltir.

Darganfyddwch apêl bythol un o Drên Bach Mawr Cymru – ffordd hamddenol o deithio ochr yn ochr â Llyn Padarn. Ar agor o fis Mawrth i ddiwedd mis Hydref gyda gwasanaethau ychwanegol ym mis Chwefror a mis Tachwedd, teithiau Siôn Corn ym mis Rhagfyr.

Cyfeiriad: Gilfach Ddu / Padarn Country Park, Llanberis, LL55 4TY
Gwefan: www.lake-railway.co.uk
Ebost: sales@lake-railway.co.uk
Ffôn: 01286 870549

Pysgota

Mae brithyll a draenogiaid yn niferus iawn yn Llyn Padarn, yn ogystal a'r pysgodyn hanesyddol y Torgoch.Bydd eog a sewin hefyd yn y llyn o ddechrau't haf ymlaen.Gellir prynu tocyn pysgota fesul diwrnod,wythnos neu'r tymor.Tymor yn ymestyn o 20fed Mawrth i'r 17il Hydref.
Tocynnau ar gael o

Siop Menter Fachwen, Stryd Fawr Llanberis 01286 870681,

a Siop Spar, London Garage, Cwm y Glo- agored 07.00-21.00
Tocyn dydd £20,Ieuenctid £6, mae posib eu prynu ar-lein

https://www.fishingpassport.co.uk/fishing/upland-llyns/llyn-padarn-sgll-fishing-society

Am wybodaeth pellach :
www.sgll.co.uk
Neu Facebook- Seiont Gwyrfai a Llyfni

Rhaeadr Ceunant Mawr

Pwyll, enwedig gyda plant ifanc pan ymweld ar rhaeadr ,mae’r llwybyr yn rhedeg yn gyfochrog gyda’r afon
ac yn ddwy I dair mydr o uchel, does ddim rhwystr na canllaw, a ddim yn addas I ddefnyddwyr cadair olwyn.